لیستی 372 لیستی دڵخوازیی گه‌له‌

حامد گه‌وهه‌ری

ڕۆژی هه‌ینی 12/2/2010 (23 ی ڕێبه‌ندانی 1388) به‌شێوه‌یه‌کی ڕه‌سمیی ده‌ست کرا به‌هه‌ڵمه‌تی هه‌ڵبژاردنی په‌رله‌مانی عێراق.‌وابڕیاره‌له‌ڕۆژی 7 ی ئاداریی 2010  دا ، پرۆسه‌ی هه‌ڵبژاردنیی عێراق به‌ئه‌نجام بگات. ڕه‌وتی ڕوداوه‌کان باس له‌وه‌ده‌که‌ن که‌هه‌ریه‌ک له‌وڵاتانی دراوسێی عێراق هه‌وڵده‌ده‌ن لایه‌نگرانی خۆیان له‌هه‌ڵبژاردندا سه‌ربخه‌ن و جێ پێی خۆیان له‌عێراقدا قایمتر بکه‌ن. ئه‌وه‌ی له‌و ناوه‌دا ته‌نیایه‌و دراوسێیه‌کانی عێراقی له‌گه‌ڵی نیین و نایانه‌وێت ڕۆڵی شیاویی هه‌بێت له‌به‌دیموکراتیی کردنی عێراق و فیدڕالییه‌که‌ی به‌‌هێز بکات‌، گه‌لی کورده‌که‌به‌رده‌وامیی ڕووبه‌ڕووی گیروگرفتی ده‌ره‌کیی و ناوخۆیی ده‌بێته‌وه‌.

له‌ڕاستییدا ئه‌مه‌هه‌نگاوێکی باشه‌که‌هه‌رکام له‌قه‌وار سیاسییه‌کانی کوردستان به‌لیستی جیاواز به‌شداریی هه‌ڵبژاردن ده‌که‌ن و دواتر له‌سه‌ر چاره‌سه‌ر کردنی کێشه‌کانی گه‌لی کوردستان و گه‌ڕاندنه‌وه‌ی ناوچه‌دابڕاوه‌کان بۆ سه‌ر خاکی کوردستان و ئاوات و ئاره‌زووه‌کانی نه‌ته‌وایه‌تیی کورد ، هاوده‌نگ و یه‌کگرتوو بن. گومان له‌وه‌دا نییه‌که‌قه‌واره‌سیاسییه‌کان به‌و ڕێگه‌یه‌دا ده‌توانن ده‌نگیی زیاتریی هاووڵاتیان کۆبکه‌نه‌وه‌، به‌مه‌رجێک له‌هه‌ڵمه‌تیی هه‌ڵبژاردندا ، له‌گه‌ڵ خه‌ڵک درۆ نه‌که‌ن و به‌کاریی توندڕه‌وانه‌و هه‌ڵبه‌ستنی بوختان لایه‌نه‌کانی تر بریندار نه‌که‌ن. ئه‌وان هه‌تا ئێستا که‌ته‌نیا دوو ڕۆژ له‌هه‌ڵمه‌تی هه‌ڵبژاردن ماوه‌،پڕۆگرامی داهاتویان بۆ خه‌ڵک ڕوون کردووته‌وه‌و بۆ ئه‌و مه‌به‌سته‌سیمینار و پانێلی ڕه‌نگاوڕه‌نگیان پێکهێناوه‌، لایه‌نی‌پۆزتیڤی پڕۆگرامه‌که‌یان ده‌رخستووه‌.

له‌گه‌ڵ به‌شێکیان به‌پروپاگه‌نده‌ی ناشیاو و دوور له‌ڕاستی ، خه‌ڵکیان بریندار کردووه‌که‌ده‌نگده‌ر بۆخۆیان بدۆزنه‌وه‌، به‌ڵام له‌هیچ که‌سێک له‌ناوه‌وه‌و ده‌ره‌وه‌ی کوردستان شاره‌وه نییه‌که‌ده‌سه‌ڵاتدارانی کوردستان له‌‌ماوه‌ی ڕابوردوودا به‌تێبینییه‌کی هۆشیارانه‌وه‌زۆریان خزمه‌تی گه‌لی ئێمه‌و سه‌قامگیرکردنی ئارامیی و گه‌شه‌پێدانی دیموکراسیی و ئابووریی و به‌خته‌وه‌ریی گه‌له‌که‌مان کردووه‌و توانیویانه‌له‌به‌رامبه‌ر دوژمنانی ڕه‌نگاوڕه‌نگی گه‌لی کورددا ئه‌زموونه‌کانی کوردستان بپارێزن و ڕێی یاسایی بۆ چاره‌سه‌ر کردنی کێشه‌کان بدۆزنه‌وه‌که‌دوژمن نه‌توانێت مافه‌کانمان پێشێل بکات.

هه‌رله‌و کاته‌شدا خزمه‌تی شایانیان به‌بزوتنه‌وه‌ی کورد له‌به‌شه‌کانی تری کوردستان کردووه‌و به‌پشتگیریی سه‌رکردایه‌تی کوردیی باشوری کوردستان ، بزوتنه‌وه‌ی کورد له‌به‌شه‌کانی تردا ڕه‌نگێکی تری به‌خۆیه‌وه‌گرتووه‌و هه‌ستی نه‌ته‌وایه‌یی و نیشتمانیی به‌رز بووته‌وه‌. گومان له‌وه‌دا نییه‌ئه‌و ده‌ستکه‌وتانه‌به‌پشتگیریی گه‌لی کوردستان ، به‌ده‌ستهاتوون.

گه‌لی ئێمه‌بۆ ئه‌وه‌ی له‌به‌ده‌ستخستنی ده‌ستکه‌وتی پتر ، ئاسایشیی پتر ، گوزه‌رانی پتر و جاره‌سه‌رکردنی کێشه‌کانی له‌گه‌ڵ به‌غدا و گه